ମହିଳାଙ୍କ ମାସିକ ଋତୁସ୍ରାବ ଜନିତ ସମସ୍ୟାର ସମାଧାନ କରୁଛି ରେଡିଓ କାର୍ଯ୍ୟକ୍ରମ ‘ଶୁଣଲୋ ସଖୀ’  

ଋତୁସ୍ରାବ ଉପରେ ଚର୍ଚ୍ଚା କରୁଥିବା ଏକମାତ୍ର ରେଡିଓ କାର୍ଯ୍ୟକ୍ରମ

0
ଆମେ ପିରିୟଡ ବିଷୟରେ କେବେ କାହାସହ ଖୋଲା ଖୋଲି ଭାବେ କଥା ହୋଇନଥିଲୁ । ପ୍ରଥମକରି 'ଶୁଣଲୋ ସଖୀ' କ୍ଲବ ହେବା ପରେ ଆମେ ଏବେ ଅନେକ କିଛି ନୂଆ ଜାଣିବାକୁ ପାଉଛୁ। 
Pic Courtesy : Menstrupedia.com
Pic Courtesy : Menstrupedia.com

ଏହା କହିଛନ୍ତି, ଶିିଖରଚଣ୍ଡିର ମାଧୁରୀ । ସେହିପରି ଅଶୋକ ନଗରର ୧୫ ବର୍ଷୀୟା ରୁବିନା ମଧ୍ୟ ଶୁଣଲୋ ସଖୀ କ୍ଲବର ଜଣେ ସଦସ୍ୟା ଏବଂ ସେ ଏବେ ନିଜ ବସ୍ତିରେ ଅନ୍ୟ ଝିଅ ମାନଙ୍କୁ ମାସିକ ଋତୁସ୍ରାବ ସମ୍ବନ୍ଧୀୟ ସୂଚନା ପ୍ରଦାନ କରୁଛନ୍ତି ।

ମାଧୁରୀ ଓ ରୁବିନା ପରି ଅନେକ ଝିଅ ତଥା କିଶୋରୀ ଏହି ଶୁଣଲୋ ସଖୀ ରେଡିଓ କାର୍ଯ୍ୟକ୍ରମ ମାଧ୍ୟମରେ ଉପକୃତ ହୋଇପାରିଥିବା ବେଳେ, ଅନେକଙ୍କୁ ସଚେତନତା କରିପାରିିଛନ୍ତି । ଆଜି ଏଠାରେ ଅନୁଷ୍ଠିତ ଏହି କର୍ମଶାଳାରେ ଏହି ମହିଳା ତଥା ଝିଅ ମାନଙ୍କୁ ଶୁଣିବା ବେଳେ ୟୁନିସେଫର ବରିଷ୍ଠ ଅଧିକାରୀ ଲୋପାମୁଦ୍ରା ତ୍ରିପାଠୀ କହିଥିଲେ,

ବୈଷୟିକ ଜ୍ଞାନକୈାଶଳ ମାଧ୍ୟମରେ ଲୋକଙ୍କ ପାଖରେ ପହଂଚିବାର ଏହି ପ୍ରୟାସ ନିଶ୍ଚିତ ସ୍ୱାଗତଯୋଗ୍ୟ ।  - ଲୋପାମୁଦ୍ରା ତ୍ରିପାଠୀ, ୟୁନିସେଫ
ସହରାଂଚଳ ବସ୍ତିରେ ମାସିକ ଋତୁସ୍ରାବ ଜନିତ ସମସ୍ୟା ଅତ୍ୟନ୍ତ ଜଟୀଳ - ଡା ଚୟନିକା ମିଶ୍ର

ଏପରି ଏକ ସ୍ପର୍ଶକାତର ବିଷୟ ଉପରେ ରେଡିଓ ମାଧ୍ୟମରେ ଲୋକଙ୍କ ପାଖରେ କଥାକୁ ପହଂଚାଇବାର କୈାଶଳକୁ ଭାରତୀୟ ରେଳବାଇର ବରିଷ୍ଠ ଅଧିକାରୀ ଶ୍ରୀ ଜ୍ୟୋତି ପ୍ରକାଶ ମିଶ୍ର ଅଭିନବ ବୋଲି ଦର୍ଶାଇଥିଲେ । ପ୍ରାକ୍ଟିକାଲ ଆକ୍ସନର ଭାରତ ମୁଖ୍ୟ ବିରୁପାକ୍ଷ ଦୀକ୍ଷିତ ଏ ଅବସରରେ କହିଥିଲେ ଯେ ସେ ଆଗାମୀ ଦିନରେ ଏହି କାର୍ଯ୍ୟକ୍ରମକୁ ବଡ଼ ସ୍ତରରେ କରିବାକୁ ଯୋଜନା ରଖିଛନ୍ତି ।

ଏଠାରେ ସୂଚନାଯୋଗ୍ୟ ଯେ ବସ୍ତିର ଯୁବତୀ ଓ ମହିଳାଙ୍କ ମାସିକ ରୁତୁସ୍ରାବ ସମୟରେ ହେଉଥିବା ବିଭିନ୍ନ ସମସ୍ୟାକୁ ରେଡିଓ ମାଧ୍ୟମରେ ସେମାନଙ୍କ ପାଖରେ ପହଚାଂଇବାର ଅଭିନବ ପ୍ରୟାସ ହେଉଛି “ଶୁଣଲୋ ସଖୀ” । ଏହି କାର୍ଯ୍ୟକ୍ରମକୁ ମହିଳାମାନଙ୍କୁ ପାଖକୁ ନେଇ ଆସିଛି ପ୍ରାକ୍ଟିକାଲ ଆକ୍ସନ ଓ ଶିଶୁ-ମହିଳା ବିକାଶ କେନ୍ଦ୍ର । SOA ରେଡ଼ିଓ ୯୦.୪ ରେ ପ୍ରତି ସପ୍ତାହରେ ପ୍ରସାରିତ ହେଉଥିବା କାର୍ଯ୍ୟକ୍ରମ ଶୁଣଲୋ ସଖି ଏବେ ରାଜଧାନୀର ବିଭିନ୍ନ ବସ୍ତିରେ ଆଦୃତି ଲାଭ କରିଛି ।

ରେଡ଼ିଓ କାର୍ଯ୍ୟକ୍ରମ ବାଦ ରାଜଧାନୀର ୧୫ଟି ବସ୍ତିରେ ନିୟମିତ ଚଳଚ୍ଚିତ୍ର ପ୍ରଦର୍ଶନ, ଅଡ଼ିଓ ପଡ଼କାଷ୍ଟିଙ୍ଗ, ସଖୀ କ୍ଲବ ମାଧ୍ୟମରେ ଝିଅ ମାନଙ୍କୁ ମାସିକ ଋତୁସ୍ରାବ ଓ କିଶୋରୀ ସ୍ୱାସ୍ଥ୍ୟ ସଂମ୍ବନ୍ଧିତ ବିଭିନ୍ନ ଜ୍ଞାନ ଓ ସୁଚନା ପ୍ରଦାନ କରାଯାଉଛି ।

ଯୋଗାଯୋଗ : ୦୯୦୪୦୧୩୨୧୩୧