୧୩ ବର୍ଷୀୟ ଅକ୍ଷତଙ୍କ ଷ୍ଟାର୍ଟଅପ୍ Odd-Even.com କୁ କିଣିଲା Orahi.com

0

ଉଦ୍ୟୋଗୀ ହେବା ପାଇଁ ବୟସ ଯେ ଏକ ବାଧକ ନୁହେଁ ତାହା ପ୍ରମାଣ କରିଛନ୍ତି ୧୩ ବର୍ଷର ବାଳକ ଅକ୍ଷତ୍ ମିତ୍ତଲ୍ । ସେ ନବମ ଶ୍ରେଣୀରେ ପାଠ ପଢ଼ୁଛନ୍ତି । ଗତବର୍ଷ OddEven.com ନାମକ ଏକ ଷ୍ଟାର୍ଟ-ଅପ୍ ସଂସ୍ଥା ଗଠନ କରିଥିଲେ । ଏହି ସଂସ୍ଥା ଲୋକମାନଙ୍କୁ କାର୍ ପୁଲ୍ କରିବା ଓ କେଉଁ ଦିନ କେଉଁ ଗାଡ଼ି ବାହାରି କରି ରାସ୍ତାରେ ଚଲାଇଲେ ଜରିମାନା ଗଣିବାକୁ ପଡ଼ିବ ନାହିଁ ଭଳି ପରାମର୍ଶ ଓ ସେବା ପ୍ରଦାନ କରୁଛି ।

ନିକଟରେ ଅକ୍ଷତ ଏହି କଂପାନିକୁ Orahi.com ବିକ୍ରି କରିଛନ୍ତି । କଂପାନି ବିକ୍ରି ହେବା ପରେ ତାଙ୍କ ନାମକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଅଡ୍ ଇଭେନ୍ ଡଟ୍ କମ୍ କୁ କେତେ ଟଙ୍କାରେ ଓରାହି ଖରିଦ କରିଛି ତାହା ଜଣାପଡ଼ିନାହିଁ ।

ଦିଲ୍ଲୀରେ ୨୦୧୬ ଜାନୁଆରିରେ ଅଡ୍ ଇଭେନ ନିୟମ ପ୍ରଥମ ଥର ଲାଗୁ କରାଯାଇଥିଲା । ଏ ବିଷୟରେ କିନ୍ତୁ ଦୁଇ ମାସ ପୂର୍ବରୁ ଘୋଷଣା କରାଯାଇଥିଲା । ତାହାର ସୁଯୋଗ ନେଇ ୨୦୧୫ ଡିସେମ୍ବରରେ ଅକ୍ଷତ୍ ଏହି ଷ୍ଟାର୍ଟ ଅପ୍ ସଂସ୍ଥା ଗଠନ କରିଥିଲେ । ଅଡ୍ ଇଭେନ୍ ଡଟ୍ କମ୍ କୁ ପୁରା ନଗଦ ଅର୍ଥ ଦେଇ ଓରାହି କିଣି ନେଇଛି । ଏଥି ସହିତ ଅକ୍ଷତଙ୍କୁ କଂପାନିର ବୋର୍ଡରେ ସାମିଲ କରିଛି । ତାଙ୍କୁ ଏକ ବର୍ଷ ପର୍ଯ୍ୟନ୍ତ ତାଲିମ ପ୍ରଦାନ କରାଯିବ । ତାଙ୍କୁ ବୈଷୟିକ କ୍ଷେତ୍ରରେ ଓରାହି ସଶକ୍ତ କରିବ ।

ଅକ୍ଷତ ହେଉଛନ୍ତି ଆମିଟି ଇଂଟରନ୍ୟାସନାଲ୍ ସ୍କୁଲର ନବମ ଶ୍ରେଣୀର ଛାତ୍ର । ଅଡ୍ ଇଭେନ୍ ଡଟ୍ କମ୍ ପାଇଁ ଅକ୍ଷତ ଆଲଗୋରିଦିମ୍ ପ୍ରସ୍ତୁତ କରିଥିଲେ । ତାଙ୍କ ଦ୍ୱାରା ସୃଷ୍ଟି କରାଯାଇଥିବା ୱେବସାଇଟର ଏବେ ୩୦ ହଜାର ବ୍ୟବହାରକାରୀ ରହିଛନ୍ତି । ଆଗାମୀ ଦିନରେ ବ୍ୟବହାରକାରୀଙ୍କ ସଂଖ୍ୟା ଆହୁରି ବଢ଼ିବ ବୋଲି ଆଶା କରାଯାଉଛି । ଓରାହି ପକ୍ଷରୁ ଅଡ୍ ଇଭେନ୍ ଡଟ୍ କମ୍ କୁ ବନ୍ଦ କରାଯିବ ନାହିଁ । ତେବେ ଏହି ୱେବସାଇଟ୍ ରେ ପ୍ରବେଶ କରିବା ପରେ ତାହା ସିଧାସଳଖ ଓରାହି ଡଟ୍ କମ୍ ୱେବସାଇଟ୍ କୁ ଚାଲି ଆସିବ ।

ଅକ୍ଷତଙ୍କ ଦ୍ୱାରା ସୃଷ୍ଟି କରାଯାଇଥିବା ଆଲଗୋରିଦିମ୍ ଅନ୍ୟ କାର୍ ପୁଲିଂ ୱେବସାଇଟ୍ ଗୁଡ଼ିକଠାରୁ ସମ୍ପୂର୍ଣ୍ଣ ଭିନ୍ନ । ଏଥିରେ ଲୋକମାନେ ନିଜର କାର୍ ପୁଲିଂ ପାଇଁ ପାର୍ଟନର୍ ହାସଲ କରିପାରିବେ । ଅଫିସ ହେଉ ଅଥବା ବଜାର ବୁଲିଯିବା ପାଇଁ ହେଉ ସେ ନିଜ ପାଇଁ ସହଜରେ କାର୍ ପୁଲିଂ ପାର୍ଟନର୍ ହାସଲ କରିପାରିବେ । ଆଗରୁ ଯେଉଁ କାର୍ ପୁଲିଂ ୱେବସାଇଟ୍ ଗୁଡ଼ିକ ରହିଥିଲା ସେମାନେ କେବଳ ଯେଉଁମାନେ କାର୍ ସେୟାରିଂ କରିବାକୁ ଚାହୁଁଛନ୍ତି, ସେମାନଙ୍କ ପାଇଁ ସେବା ପ୍ରଦାନ କରୁଥିଲେ । ଅକ୍ଷତଙ୍କର ଅଡ୍ ଇଭେନ୍ ଡଟ୍ କମ୍ କିନ୍ତୁ ସମ୍ଭାବନା ଥିବା କାର୍ ପୁଲିଂର ସେବା ଯୋଗାଇ ଦେଉଛି ।

ଅଡ୍ ଇଭେନ୍ ଡଟ୍ କମ୍ ର ମୋବାଇଲ୍ ଆପ୍ ଭର୍ସନ୍ ମଧ୍ୟ ରହିଛି । ଅକ୍ଷତ କହିଛନ୍ତି ଯେ, ସେ ସବୁ ବେଳେ ସମାଜରେ ଗଭୀର ପ୍ରଭାବ ପକାଇ ପାରୁଥିବା ସମାଧାନ ସୃଷ୍ଟି କରିବାକୁ ପ୍ରୟାସ କରୁଥିଲେ । ଅଡ୍ ଇଭେନ୍ ଡଟ୍ କମ୍ ସେହି ପରିକଳ୍ପନାରୁ ଜନ୍ମ ନେଇଥିଲା । ଯଦି କଛି ଲୋକ ସମାନ ସ୍ଥାନକୁ ଯିବାକୁ ଚାହୁଁଛନ୍ତି, ସେମାନଙ୍କୁ ଶ୍ରେଷ୍ଠ ବିକଳ୍ପ ଯୋଗାଇ ଦେବା ଦିଗରେ ଏହି ୱେବସାଇଟ୍ କାମ କରୁଛି ।

ଅକ୍ଷତ୍ କହିଛନ୍ତି ଯେ, 

ମୁଁ ଯେଉଁ ସୋସାଇଟିରେ ରୁହେ ସେଠାରେ ୧୪୦ ଫ୍ଲାଟ୍ ରହିଛି । ପ୍ରତିଦିନ ୫୦ ଜଣ ଲୋକ ଗୁରୁଗାଓଁ ଯାତ୍ରା କରୁଛନ୍ତି । ସେମାନଙ୍କ ମଧ୍ୟରୁ କିଛି ଲୋକ ନିଶ୍ଚିତ ପାଖାପାଖି ଯାତ୍ରା କରୁଥିବେ । କିନ୍ତୁ କେହି ସେ ବିଷୟରେ ଜାଣନ୍ତି ନାହିଁ । ଯଦି ଜାଣିଥାନ୍ତେ ତେବେ କାର୍ ପୁଲିଂ କିମ୍ବା ସେୟାରିଂ ବିଷୟରେ ଚିନ୍ତା କରିଥାନ୍ତେ । ସେଭଳି ଲୋକଙ୍କୁ ଗୋଟିଏ ମଂଚ ପ୍ରଦାନ କରିବାର କାମ କରୁଛି ଅଡ୍ ଇଭେନ୍ ଡଟ୍ କମ୍ । 
PK is a writer of social causes in Odisha. A dedicated person to inform public about the every positive social changes or examples that happens in our everyday life and how these stories are now game changer for all of us. He can be reached at pk.yourstory@gmail.com

Related Stories