ଓଡ଼ିଆ ଉଦ୍ୟୋଗପତି ସତ୍ୟ ଶତପଥୀ: ନୂଆ ଷ୍ଟାର୍ଟ-ଅପଙ୍କୁ ସାହାଯ୍ୟ କରିବେ

0

-ବୈଷୟିକ ଓ ଆର୍ଥିକ ସହାୟତା ଯୋଗାଇ ଦେବେ

-ପ୍ରଧାନମନ୍ତ୍ରୀଙ୍କ ଷ୍ଟାର୍ଟ-ଅପ୍ ଇଣ୍ଡିଆକୁ ଦୃଢ଼ ସମର୍ଥନ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମହତ୍ୱକାଂକ୍ଷୀ ଅଭିଯାନ ଷ୍ଟାର୍ଟ ଅପ୍ ଇଣ୍ଡିଆ , ଷ୍ଟାଣ୍ଡ୍ ଅପ୍ ଇଣ୍ଡିଆକୁ ଦେଶର ଅଗ୍ରଣୀ ଇଂଟରନେଟ୍ ଓ ତତ୍ ସଂକ୍ରାନ୍ତୀୟ ସେବା ପ୍ରଦାନକାରୀ Creation Infoways ପ୍ରାଇଭେଟ୍ ଲିମିଟେଡ୍ ସମର୍ଥନ ଜଣାଇଛି । ଏହି ସଂସ୍ଥା ନୂଆ ଷ୍ଟାର୍ଟ-ଅପ୍ ସଂସ୍ଥାଗୁଡ଼ିକ ବୈଷୟିକ ଓ ଆର୍ଥିକ ସହାୟତା ଯୋଗାଇ ଦେବ ବୋଲି ପ୍ରକାଶ କରିଛି । ଓଡ଼ିଆ ଯୁବ ଉଦ୍ୟୋଗପତି ସତ୍ୟ ନାରାୟଣ ଶତପଥୀ ହେଉଛନ୍ତି ଏହି କଂପାନିର ସିଇଓ ।

Satya Narayan Satpathy, CEO, Creation Infoways 
Satya Narayan Satpathy, CEO, Creation Infoways 

୧୯୯୯ ମସିହାରେ ଏହି କଂପାନି ଆରମ୍ଭ ହୋଇଥିଲା । ସତ୍ୟ ଜଣେ ଆଇଟି ପ୍ରଫେସନାଲ୍ ଥିଲେ । ନିଜର ଅଭିଜ୍ଞତାକୁ ପାଥେୟ କରି ସେ ଏହି କଂପାନି ଗଠନ କରିଛନ୍ତି । ଆରମ୍ଭରେ ସେ ୫ ଜଣିଆ ଟିମ୍ ନେଇ କାମ ଆରମ୍ଭ କରିଥିଲେ । ବର୍ତ୍ତମାନ ୧୦୦ରୁ ଅଧିକ ଲୋକ ଏହି କଂପାନିର କର୍ମଚାରୀ ରହିଛନ୍ତି । ଏହାର ଶାଖା ନୂଆଦିଲ୍ଲୀ ଓ ଭୁବନେଶ୍ୱର ସମେତ ଅନେକ ବଡ଼ ବଡ଼ ସହରରେ ରହିଛି । ସାରା ବିଶ୍ୱରେ ଏହାର ମାର୍କେଟିଂ କାର୍ଯ୍ୟାଳୟ ରହିଛି । କଂପାନି ଚଳାଇବାରେ ସତ୍ୟଙ୍କର ଦୀର୍ଘ ୧୭ ବର୍ଷର ଅଭିଜ୍ଞତା ହୋଇଗଲାଣି ।

ଏହି କଂପାନି ଷ୍ଟାର୍ଟଅପ୍ ଗୁଡିକୁ ୱେବ୍ ଭିତ୍ତିକ ସମାଧାନ ପ୍ରଦାନ କରିବା ସହ ସେମାନଙ୍କ ଗ୍ରାହକ ପରିମାଣ ବଢ଼ାଇବାରେ ସହାୟତା ଯୋଗାଇଦେବ ।

ପୁନଃଶ୍ଚ, ଯେଉଁ ଷ୍ଟାର୍ଟଅପ୍ ସଂସ୍ଥାଗୁଡ଼ିକ ପାଖରେ ଆଗକୁ ବଢ଼ିବାର ବିଶେଷ ସୁଯୋଗ ରହିଛି, ସେମାନଙ୍କୁ କ୍ରିଏସନ୍ ଇନ୍ଫୋୱେଜ୍ ଆର୍ଥିକ ସହାୟତା ଯୋଗାଇ ଦେବ । ଦେଶରେ ଉଦ୍ୟୋଗୀପଣକୁ ଆଗକୁ ବଢ଼ାଇବ । ଦେଶରେ ଉଦ୍ୟୋଗୀ ସୃଷ୍ଟି କରିବା ନିମନ୍ତେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବର୍ଷ ପ୍ରାରମ୍ଭ ଆଡ଼କୁ ୧୯ ସୁତ୍ରୀ ଆକ୍ସନ୍ ପ୍ଲାନ୍ ବିଶିଷ୍ଟ ଷ୍ଟାର୍ଟ-ଅପ୍ ଅଭିଯାନ ଘୋଷଣା କରିଥିଲେ ।

କ୍ରିଏସନ୍ ଇନ୍ଫୋୱେଜ ର ନିର୍ଦ୍ଦେଶକ ସତ୍ୟ ଶତପଥୀ କହିଛନ୍ତି ଯେ,

ଆମେ ଦେଶର ଯୁବ ଉଦ୍ୟୋଗୀମାନଙ୍କୁ ସହାୟତା ଯୋଗାଇ ଦେବାକ ପ୍ରତିଶ୍ରୁତିବଦ୍ଧ । ଆମ ପାଖରେ ଯେଉଁ ସବୁ ସୁବିଧା ରହିଛି ଆମେ ତାହା ଉଦ୍ୟୋଗୀମାନଙ୍କୁ ଯୋଗାଇ ଦେବୁ । ଏଥି ସହିତ ଆମର ଅଭିଜ୍ଞ ତଥା ପ୍ରଭାବଶାଳୀ ଟିମ୍ ର ସହାୟତା ସେମାନେ ନେଇପାରିବେ । ଦେଶର ଅଧିକାଂଶ ଜନସଂଖ୍ୟା ଯୁବଗୋଷ୍ଠୀ ହୋଇଥିବାରୁ ଏଠାରେ ଅନଲାଇନ୍ ଓ ମୋାବାଇଲ୍ କ୍ଷେତ୍ରରେ ଷ୍ଟାର୍ଟ-ଅପ୍ ଗୁଡିକ ପାଇଁ ବହୁତ ନୂଆ ସୁଯୋଗ ରହିଛି । 

କ୍ରିଏସନ୍ ଇନ୍ଫୋୱେଜ୍ ଅନଲାଇନ୍ ରେ ସୃଷ୍ଟି ହୋଇଥିବା ସେହି ସୁଯୋଗ ହାସଲ କରିବାକୁ ଉଦ୍ୟମ କରିବ ବୋଲି ସେ କହିଛନ୍ତି । କ୍ରିଏସନ୍ ଇନ୍ଫୋୱେଜ୍ ୱେବ୍ ପୋର୍ଟାଲ୍ ବିକଶିତ କରିବାଠାରୁ ଆରମ୍ଭ କରି ଇ-କମର୍ସ ଭିତ୍ତିକ ୱେବ୍ ଡିଜାଇନ୍, ମୋବାଇଲ୍ ୱେବ୍ ଡିଜାଇନ୍, ସପ୍ଟଓୟାର ଓ ଆପ୍ଲିକେସନ୍ ଡେଭେଲପମେଂଟ୍, ଏସ୍ଇଓ ସେବା, ଇ-ମେଲ୍ ଅଭିଯାନ, ଇତ୍ୟାଦି ସୁବିଧା ଯୋଗାଇ ଦେଉଛି । ଅନଲାଇନ୍ ଓ ମୋବାଇଲ୍ କ୍ଷେତ୍ରର କଂପାନିଗୁଡ଼ିକୁ ନୂତନ ବଜାରରେ ଓ ନୂଆ ଗ୍ରାହକଙ୍କ ନିକଟରେ ପହଂଚାଇବାରେ ଏହି କଂପାନି ସହାୟତା ପ୍ରଦାନ କରୁଛି । 

ଯୋଗାଯୋଗ - ଫେସବୁକ ପେଜ

ୱେବସାଇଟ - http://www.creationinfoways.com/

PK is a writer of social causes in Odisha. A dedicated person to inform public about the every positive social changes or examples that happens in our everyday life and how these stories are now game changer for all of us. He can be reached at pk.yourstory@gmail.com

Related Stories