ଫେସବୁକ୍ ସାହାଯ୍ୟରେ ପର୍ସ ଫେରି ପାଇଲେ ମହିଳା
କ୍ରିସମାସ ସପିଂ କରୁଥିବା ବେଳେ ନେଦରଲାଣ୍ଡର ଜଣେ ମହିଳାଙ୍କ ପର୍ସ ଚୋରି ହୋଇଗଲା । ବିନା ପୁଲିସ ସାହାଯ୍ୟରେ ଫେସବୁକ ଦ୍ୱାରା ସେ ଚୋରକୁ ଠାବ କଲେ । ଆଉ ନିଜର ହଜିଥିବା ପର୍ସ ବି ଫେରି ପାଇଲେ।
Tuesday January 05, 2016,
2 min Read
କ୍ରିସମାସ ସପିଂ କରୁଥିବା ବେଳେ ନେଦରଲାଣ୍ଡର ଜଣେ ମହିଳାଙ୍କ ପର୍ସ ଚୋରି ହୋଇଗଲା । ବିନା ପୁଲିସ ସାହାଯ୍ୟରେ ଫେସବୁକ ଦ୍ୱାରା ସେ ଚୋରକୁ ଠାବ କଲେ । ଆଉ ନିଜର ହଜିଥିବା ପର୍ସ ବି ଫେରି ପାଇଲେ ।
ଅବିଶ୍ୱାସ ଲାଗିଲେ ବି ଘଟଣାଟି ସତ । କ୍ରିସମାସ ସପିଂ କରୁଥିବା ବେଳେ ନେଦରଲାଣ୍ଡର ଜଣେ ମହିଳାଙ୍କ ପର୍ସ ଚୋରି ହୋଇଗଲା । ବିନା ପୁଲିସ ସାହାଯ୍ୟରେ ଫେସବୁକ ଦ୍ୱାରା ସେ ଚୋରକୁ ଠାବ କଲେ । ଆଉ ନିଜର ହଜିଥିବା ପର୍ସ ବି ଫେରି ପାଇଲେ ।
ମହିଳା ଜଣକ ନାମ- ହେତି ଅର୍ମର୍ସ । ସେ କ୍ରିସମାସ୍ ପାଇଁ ସପିଂ କରିବାକୁ ମାର୍କେଟ ଯାଇଥିଲେ । ଏଇ ସମୟରେ ଜଣେ କିଏ ତାଙ୍କ ପର୍ସ ଚୋରି କରି ନେଇଗଲା । ପର୍ସରେ ଥିଲା ୩୫୦ ୟୁରୋ । ପାଖାପାଖି ୨୫ ହଜାର ଟଙ୍କା ।
ପୁରା ଘଟଣାଟି ବଜାରରେ ଥିବା ସର୍ଭେଲାନ୍ସ କ୍ୟାମେରାରେ ରେକର୍ଡିଙ୍ଗ ହୋଇଥିଲା ।
ପରେ ଅର୍ମର୍ସ ପୁଲିସ ନିକଟରେ ନିର ଅଭିଯୋଗ ଦାଖଲ କଲେ । ପୁଲିସ ତଦନ୍ତରେ କିଛିଟା ବିଳମ୍ବ ଘଟୁଥିବା ଦେଖି ନିଜେ ଚୋରକୁ ଖୋଜିବାକୁ ଚେଷ୍ଟା କଲେ ।
ସର୍ଭେଲାନ୍ସ କ୍ୟାମେରାରେ ଚୋରର ଚେହେରା ଥିଲା ନିହାତି ସ୍ପଷ୍ଟ ।
ସେଇ ଅନୁସାରେ, ଅର୍ମର୍ସ ପ୍ରଥମେ ଚୋରକୁ ଫେସବୁକରେ ଠାବ କଲେ । ତା ପାଖକୁ ମେସେଜ୍ ପଠାଇଲେ ପର୍ସ ଫେରାଇ ଦେବାକୁ । ମାତ୍ର ଚୋର ପାଖରୁ କୌଣସି ଉତ୍ତର ଆସିଲାନି । ପୁଣି ଥରେ ମେସେଜ୍ ପଠାଇଲେ ବି ସମାନ କଥା ଘଟିଲା ।
ତେଣୁ ସେ ସିଧାସଳଖ ଚୋରକୁ ତାର ଫଟୋଟି ପଠାଇଲେ । କହିଲେ- ଖସିବାର ରାସ୍ତା ଆଉ ନାହିଁ ।
ସେପଟେ ଚୋର ଉପରେ ନିଜ ଘର ପକ୍ଷରୁ ଚାପ ବି ପଡ଼ିଲା । ଶେଷକୁ ସେ ସତ ମାନିଗଲା । ଆଉ ପର୍ସ ଫେରାଇ ଦେବ ବୋଲି କହିଲା ।
ସତକୁ ସତ ଚୋର ଆଣି ଅର୍ମର୍ସଙ୍କୁ ତାଙ୍କ ପର୍ସ ଦେଇଗଲା । ଅବଶ୍ୟ ସେଥିରେ ଥିବା ଟଙ୍କା ସେ ଖର୍ଚ୍ଚ କରି ଦେଇଥିଲା । ତେଣୁ ୧୦ଟି ଇନଷ୍ଟାଲମେଂଟରେ ଟଙ୍କା ଫେରାଇବା ପାଇଁ ନିବେଦନ କଲା । ଯାହାକୁ ଅର୍ମର୍ସ ମାନି ବି ଗଲେ ।
ଖରାପ ଆର୍ଥିକ ସ୍ଥିତି କାରଣରୁ ଚୋରଟି ଏପରି କରିଥିବା କହିଲା ।
ଅର୍ମର୍ସଙ୍କ କହିବା ଅନୁସାରେ- ଚୋରଟି କିଛି ବି ଜବରଦସ୍ତି କରି ନଥିଲା । ନିଜ ଅସାବଧାନତା ହେତୁ, ସେ ପର୍ସ ହରାଇଥିଲେ ।
ଫେସବୁକ୍ ଆଜିର ଦୁନିଆରେ ସବୁଠାରୁ ବଡ଼ ନେଟୱର୍କ ଭାବେ କାମ କରୁଛି ।