ଗ୍ରୀନ ନୋବେଲ ପୁରସ୍କାର ପାଇବେ ପରିବେଶବିତ୍ ପ୍ରଫୁଲ୍ଲ ସାମନ୍ତରାୟ 

1

ଗ୍ରୀନ ନୋବେଲ ପୁରସ୍କାର ପାଇବେ ପ୍ରଫୁଲ୍ଲ ସାମନ୍ତରାୟ । କଳାହାଣ୍ଡିର ନିୟମଗିରି ପାହାଡର ବିବିଧତା ଓ ଡଙ୍ଗରିଆ କନ୍ଧଙ୍କ ସୁରକ୍ଷା ପାଇଁ ଲଢିଥିବା ଲୋକଶକ୍ତି ଅଭିଯାନର ନେତା ତଥା ପରିବେଶବିତ୍ ପ୍ରଫୁଲ୍ଲ ସାମନ୍ତରାୟ । ଲଣ୍ଡନରେ ଗୋଲଡ ମ୍ୟାନ ଏନଭାରମେଂଟ ପ୍ରାଇଜ ଯାହାକୁ ଗ୍ରୀନ ନୋବେଲ କୁାହାଯାଏ, ସେହି ସମ୍ମାନ ପାଇବେ ପ୍ରଫୁଲ୍ଲ । ବଡ କଥା ହେଉଛି ବେଦାନ୍ତ ବିରୋଧରେ ଲଢେଇ କରି ନିଜର ଏକ ସ୍ୱତନ୍ତ୍ର ପରିଚୟ ସେ ତିଆରି କରିଥିଲେ ।

ଖାସ କରି ଡଙ୍ଗରିଆ କନ୍ଧଙ୍କ ବିଶ୍ୱାସ ଥିବା ନିୟମଗିରି ପାହାଡକୁ ହାତେଇବାକୁ ଯେଉଁଭଳି ରଣନୀତି ବେଦାନ୍ତ ଗ୍ରୃପ ପକ୍ଷରୁ କରାଯାଇଥିଲା, ତାକୁ ରୋକିଥିଲେ ପ୍ରଫୁଲ୍ଲ । ଆଦିବାସୀଙ୍କ ମେଳିକୁ ସ୍ୱର ଦେବା ଆଉ ତାକୁ ରାଜଧାନୀ ତଥା ଜାତୀୟ ଅନ୍ତର୍ଜାତୀୟ ସ୍ତରରେ ପ୍ରତିନିଧିତ୍ୱ କରାଇବାରେ ତାଙ୍କର ପ୍ରମୁଖ ଭୁମିକା ଥିଲା । କଳାହାଣ୍ଡିରେ ବେଦାନ୍ତର ଲାଂଜିଗଡ ପ୍ରକଳ୍ପ ପାଇଁ ରାଜ୍ୟ ସରକାର ବେଦାନ୍ତ ହାତକୁ ନିୟମଗିରି ପାହାଡ ଟେକିଦେବାକୁ ମସୁଧା କରିଥିଲେ ।

ହେଲେ ଆଦିବାସୀଙ୍କ ବିରୋଧ ଆଗରେ ଏହା ଫିକା ପଡିଥିଲା । ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁସାରେ ହୋଇଥିବା ଗ୍ରାମସଭାରେ ଆଦିବାସୀ ଦେଇଥିଲେ ମୁହଁତୋଡ ଜବାବ । ଅନେକ ଥର ଆସି ସଚିବାଳୟରେ ଚକ୍କର କାଟିବା ସତ୍ୱେ ବେଦାନ୍ତ ମୁଖ୍ୟ ଅନୀଲ ଅଗ୍ରୱାଲ ନିୟମଗିରି ପାହାଡ ହାତେଇବାରେ ସକ୍ଷମ ହୋଇନଥିଲେ । ଯାହାପଛରେ ପ୍ରଫୁଲ୍ଲ ସାମନ୍ତରାୟଙ୍କ ଏକ ବଡ ହାତ ଥିଲା । ଆଉ ଆମେରିକାର ସାନଫ୍ରାନ୍ସିସ୍କୋ ଠାରେ ଭାରତୀୟ ସମୟ ରାତି ୨ଟାରେ ତାଙ୍କୁ ଗ୍ରୀନ ନୋଭେଲ ସମ୍ମାନରେ ସମ୍ମାନିତ କରାଯାଇଛି ।


Related Stories