ମନ୍ଦିର ଭିତରେ ଗରିବଙ୍କ ପାଇଁ ସ୍କୁଲ, ୭୦% ବିଦ୍ୟାର୍ଥୀ ଅଣ ହିନ୍ଦୁ

0

ଜ୍ଞାନ ବାଣ୍ଟିବା କିମ୍ବା ଶିକ୍ଷାଦାନ କରିବା ଏକ ମହତ କାର୍ଯ୍ୟ । ଏହା କୌଣସି ନିର୍ଦ୍ଧିଷ୍ଟ ଧର୍ମ ଭିତରେ ସୀମୀତ ନୁହେଁ ବୋଲି ପ୍ରମାଣ କରିଛନ୍ତି ଆଗ୍ରାରେ ଥିବା ଏକ ମନ୍ଦିରର କର୍ତ୍ତୃପକ୍ଷ । ସେମାନେ ମନ୍ଦିରରେ ଏକ ସ୍କୁଲ ଚଳାଉଛନ୍ତି । ଯେଉଁଠାରେ ଅଧିକାଂଶ ଅଣହିନ୍ଦୁ ଛାତ୍ରଛାତ୍ରୀ ପାଠ ପଢ଼ୁଛନ୍ତି । ସେମାନଙ୍କ ମଧ୍ୟରୁ ଅଧିକାଂଶ ହେଉଛନ୍ତି ସଂଖ୍ୟାଲଘୁ ମୁସଲମାନ ସଂପ୍ରଦାୟର ।

ସାଂପ୍ରଦିକତା ଦୃଷ୍ଟିରୁ ଆଗ୍ରା ଏକ ସମ୍ବେଦନଶୀଳ ସ୍ଥାନ । ସେଭଳି ଏକ ସ୍ଥାନରେ ଏହି ସ୍କୁଲ ଭାଇଚାରାର ବାର୍ତ୍ତାବାଂଟୁଛି ।

ଆଗ୍ରାମର ବାଜମୁଜାଫର ଖାନଠାରେ ରହିଛି ପଠବାରୀ ମନ୍ଦିର । ୨୦୧୫ ଡିସେମ୍ବରରେ ମନ୍ଦିର ପରିଚାଳନା କମିଟି ପକ୍ଷରୁ “ମେରି ପାଠଶାଳା’ ନାମକ ଏକ ସ୍କୁଲ ପ୍ରତିଷ୍ଠା କରାଯାଇଛି । ସେଠାରେ କେବଳ ଗରିବ ଲୋକଙ୍କ ପିଲାମାନଙ୍କୁ ଶିକ୍ଷାଦାନ କରିବାକୁ ନିଷ୍ପତି ନିଆଯାଇଛି । ସମସ୍ତ ଧର୍ମ ଓ ବର୍ଗର ପିଲାମାନଙ୍କୁ ଏଠାରେ ପାଠ ପଢ଼ାଯାଉଛି ।

ବର୍ତ୍ତମାନ ମେରି ପାଠଶାଳାରେ ୪୭ ଜଣ ଛାତ୍ରଛାତ୍ରୀ ପାଠ ପଢ଼ୁଛନ୍ତି । ସେମାନଙ୍କ ସମସ୍ତ ପଢ଼ା ଖର୍ଚ୍ଚ ୪ ଜଣ ଯୁବକ ଉଠାଉଛନ୍ତି । ଏହି ସମସ୍ତ ଯୁବକ ହିନ୍ଦୁ ଧର୍ମର । ରବିବାର ଏହି ସ୍କୁଲରେ ପିଲାମାନଙ୍କୁ ପ୍ରାର୍ଥନା କରୁଥିବା ସମୟରେ ଦେଖିବା ଏକ ମହାନ ଅନୁଭବଠାରୁ କିଛି କମ ନୁହେଁ । ୫ରୁ ୧୫ ବର୍ଷ ବୟସର ୪୦ରୁ ଅଧିକ ପିଲା ଏକଜୁଟ ହୋଇ ପ୍ରାର୍ଥନା କରୁଛନ୍ତି । ମୁସଲମାନ ଧର୍ମର ପିଲାମାନେ ମଧ୍ୟ ପ୍ରାର୍ଥନା କରିଥାନ୍ତି । ଏହା ପରେ ସେମାନେ ରାଷ୍ଟ୍ର ଗୀତ ଗାଉଛନ୍ତି ।

ହିନ୍ଦୁ ଓ ମୁସଲମାନଙ୍କ ଭିତରେ ଥିବା ପ୍ରଭେଦ ସତ୍ତ୍ୱେ ଏହି ପିଲାମାନେ ମନ୍ଦିରରେ ଥିବା ସ୍କୁଲରେ ଦିନକୁ ୩-୪ ଘଂଟା ପାଠ ପଢ଼ୁଛନ୍ତି । ପିଣ୍ଟୁ ପ୍ରତୀକ କରଦମ୍, କପିଲ ଚୌଧୁରୀ, ଜିତେନ୍ଦ୍ର ସିଂହ, ନିବେଶ ଅଗ୍ରୱାଲ ଓ ନେହା ଆୟସୱାଲ ଏହି ସ୍କୁଲ ଗଠନ କରିବାରେ ସହାୟତା ଦେଇଛନ୍ତି । ସେମାନେ ଏଠାରେ ଶିକ୍ଷାଦାନ ମଧ୍ୟ କରୁଛନ୍ତି । ସେମାନଙ୍କ ମଧ୍ୟରୁ କରଦମ୍ କହିଛନ୍ତି ଯେ, ମୁଁ ଏହି ବାଟ ଦେଇ ଯିବା ବେଳେ ସବୁ ବେଳେ ଏହି ପିଲମାନଙ୍କୁ ବିନା କାରଣରେ ରାସ୍ତାରେ ବୁଲୁଥିବା ଦେଖେ । ସେମାନଙ୍କୁ ପାଠପଢ଼ାଇବାର ଦାୟିତ୍ୱ ବୋଲି ମୁଁ ଭାବିଲି । ସେମାନଙ୍କୁ କଣ ଭୁଲ ଓ କଣ ଠିକ ତାହା ଜଣାଇବା ପାଇଁ ଶିକ୍ଷାଦାନ କରିବାର ଗୁରୁତ୍ତ୍ଵପୂର୍ଣ୍ଣ ବୋଲି ସେ କହିଛନ୍ତି । ଏ ବିଷୟରେ ସେ ନିଜ ସାଙ୍ଗମାନଙ୍କ ସହ ଆଲୋଚନା କରିବା ପରେ ସ୍କୁଲ ଖୋଲିବାକୁ ନିଷ୍ପତି ନେଇଥିଲେ ।

ଚୌଧୁରୀ ଓ ସିଂହ ଘରୋଇ କଂପାନିରେ କାମ କରୁଛନ୍ତି । ଅଗ୍ରୱାଲ୍ ଔଷଧର ପାଇକାରୀ ବ୍ୟବସାୟ କରୁଛନ୍ତି । ନେହା ଜଣେ ଗୃହିଣୀ । ସେ ଏମଏ ପାଠ ପଢ଼ିଛନ୍ତି । କରଦମ୍ କହିଛନ୍ତି ଯେ ଆମେ ସ୍କୁଲ ଆରମ୍ଭ କରିବା ବେଳେ କେବେ ବି ଭାବି ନ ଥିଲୁ ଯେ ଏତେ ପରିମାଣର ମୁସଲମାନ ପିଲା ମନ୍ଦିର ଭିତରେ ଥିବା ସ୍କୁଲକୁ ଆସି ପାଠ ପଢ଼ିବେ । ସେମାନେ ମନ୍ଦିର ଭିତରକୁ ପ୍ରବେଶ କରିବାରେ ମଧ୍ୟ କୌଣସି ବାରଣ ନାହିଁ । ମୁସଲମାନ ପିଲାମାନଙ୍କୁ ସେମାନଙ୍କ ମାତାପିତାମାନେ ସ୍କୁଲରେ ଆଣି ଛାଡୁଛନ୍ତି ।

ଏହି ସ୍କୁଲରେ ପ୍ରତିଦିନ ୯ଟାରୁ ୧୨ ପର୍ଯ୍ୟନ୍ତ ପାଠପଢ଼ା ହେଉଛି । ଏଠାରେ ପିଲାମାନଙ୍କୁ ପ୍ରାଥମିକ ଶିକ୍ଷା ଦିଆଯାଉଛି । ଅକ୍ଷର ଲେଖି ଶିଖିବା, ବହି ପଢ଼ିବା ଓ ଗଣିତ କରିବା ଭଳି ଶିକ୍ଷା ଏଠାରେ ଦିଆଯାଉଛି । ଯେଉଁ ପିଲାମାନଙ୍କର ଭଲ ପାଠ ହେଉଛି ସେମାନଙ୍କ ପ୍ରତି ବିଶେଷ ଧ୍ୟାନ ଦିଆଯାଉଛି । ସେମାନଙ୍କୁ ଉଚ୍ଚ ଶିକ୍ଷା ପାଇଁ ପ୍ରସ୍ତୁତ କରାଯାଉଛି । 

PK is a writer of social causes in Odisha. A dedicated person to inform public about the every positive social changes or examples that happens in our everyday life and how these stories are now game changer for all of us. He can be reached at pk.yourstory@gmail.com

Related Stories

Stories by PK