କମ ଖର୍ଚ୍ଚରେ ଉନ୍ନତମାନର ଶିକ୍ଷା ପ୍ରଦାନ କରିବାରେ NGOମାନେ ଭାରତରେ ଏକ ପ୍ରମୁଖ ଭୂମିକା ଗ୍ରହଣ କରିଆସୁଛନ୍ତି । ଶିକ୍ଷାଦାନ କ୍ଷେତ୍ରରେ ଏମାନେ ନିଜର ସ୍ୱାତନ୍ତ୍ରତା ଜାହିର କରିଥିଲେ ମଧ୍ୟ ଅନେକ ଅର୍ଗାାନାଇଜେସନାଲ ପରିଚାଳନାରେ ପାରଙ୍ଗମତାର ଅଭାବ ହେତୁ ସଫଳତାର ନିର୍ଦ୍ଧାରିତ ଲକ୍ଷ୍ୟ ସ୍ଥଳରେ ପହଂଚି ପାରୁନାହାଁନ୍ତି । କେତେକ NGOକୁ ଏକ ଦୀର୍ଘସୂତ୍ରୀ କାର୍ଯ୍ୟପନ୍ଥାର ଆବଶ୍ୟକତା ଥିବାବେଳେ, ଅନ୍ୟ କେତେକଙ୍କୁ ନୂତନ କର୍ମଚାରୀ ନିଯୁକ୍ତି କରିବାର ଆବଶ୍ୟକତା ରହିଥାଏ । ସେମାନେ ମଧ୍ୟ ଶିକ୍ଷାକ୍ଷେତ୍ରରେ କାର୍ଯ୍ୟ କରୁଥିବା ଅନ୍ୟ ଅନୁଷ୍ଠାନ ଗୁଡିକ ସହ ଅନୁବନ୍ଧିତ ହେବାର ଆବଶ୍ୟକତା କରନ୍ତି ।
ମୁମ୍ବାଇ ସ୍ଥିତ ଆତ୍ମା NGO ବିଭିନ୍ନ ଶିକ୍ଷାନୁଷ୍ଠାନକୁ ଦକ୍ଷତା ବୃଦ୍ଧି ସମ୍ବନ୍ଧୀୟ ପରାମର୍ଶ ଦେବାସହ ସ୍ୱେଚ୍ଛାସେବୀ କର୍ମଚାରୀ ସହାୟତା ପ୍ରଦାନ କରୁଅଛି । ଏହା ସହିତ ଭାରତର ଶିକ୍ଷା ବ୍ୟବସ୍ଥାରେ ବିଭିନ୍ନ ଅନୁଷ୍ଠାନ ମଧ୍ୟରେ ଅନୁବନ୍ଧନ କାର୍ଯ୍ୟ ମଧ୍ୟ କରିଥାଏ । ଅଷ୍ଟ୍ରେଲିଆ ଓ ନେଦରଲ୍ୟାଣ୍ଡରୁ ଏଆଇଏସ୍ଇସି ଇନ୍ଟର୍ଣ୍ଣ ଭାବେ ଆସିଥିବା ହେଲି ବୋଲଣ୍ଡି ଓ ଆଡ୍ରିନି ଭ୍ୟାନ ଡୋକ୍ ନାମକ ଦୁଇ ଜଣ କମ ବୟସ୍କ ମହିଳା ୨୦୦୭ ମସିହାରେ ଆତ୍ମା ପ୍ରତିଷ୍ଠା କରିଥିଲୋ NGOମାନଙ୍କ ପ୍ରଫେସନାଲ ସହଯୋଗର ଆବଶ୍ୟକତାକୁ ଦେଖି ଭାରତରେ ସମସ୍ତ ପିଲାଙ୍କୁ ଉନ୍ନତମାନର ଶିକ୍ଷାର ଉଦ୍ଦେଶ୍ୟ ରଖି ଅନୁଷ୍ଠାନଟି ଆରମ୍ଭ ହୋଇଥିଲା । ଏହାର କାର୍ଯ୍ୟକାରୀ ନିର୍ଦ୍ଧେଶକ ମ୍ୟାରୀ ଇଲେନ୍ ମାଟସୁଇ ୨୦୦୮ରେ ଆତ୍ମାରେ ଯୋଗଦେଲେ, ଯିଏକି ପ୍ରଥମେ ମୁମ୍ବାଇରେ ଏକ ଶିକ୍ଷା ଏନଜିଓରେ କାର୍ଯ୍ୟ କରୁଥିଲେ ।
ର୍ତ୍ତଶିକ୍ଷା କ୍ଷେତ୍ରରେ ଉଚ୍ଚମାନର ସେବା ସହ ପରିବତନର ଧାରାରେ ସାମିଲ ହେବାକୁ ସର୍ବଦା ତତ୍ପରଥିବା ବିଭିନ୍ନ ଉଚ୍ଚଦକ୍ଷତା ସମ୍ପନ୍ନ ଭାଗିଦାରୀ NGOମାନଙ୍କ ସହ ଆତ୍ମା କାମକରିଥାଏ । ଭାଗିଦାରୀ ପାଇଁ ପରସ୍ପରର ଇତିହାସ, ସଫଳତା, ଚ୍ୟାଲେଞ୍ଜ ଏବଂ ଟିମ ମେମ୍ବର ମାନଙ୍କ ମଧ୍ୟରେ ଥିବା ସମାନତା ଓ ପରସ୍ପରକୁ ବୁଝିପାରିବାର ଦକ୍ଷତା ଥିବା ଭାଗିଦାରମାନଙ୍କୁ ଚିହ୍ନଟ କରିବା ହିଁ ଆତ୍ମାର ଲକ୍ଷ୍ୟ । ଏକ ସଫଳ ଭାଗିଦାରୀ ପାଇଁ ଆତ୍ମାର କର୍ମଚାରୀ ଓ ଅନୁଷ୍ଠାନ ମଧ୍ୟରେ ମେଳ ଖାଇବା ଅତ୍ୟନ୍ତ ଜରୁରୀ ଅଟେ । ଯୋଡିବା ପ୍ରକୃତରେ କଠିନ ବୋଲି କୁହନ୍ତି ମାଟସୁଇ । ଭାଗିଦାରମାନେ ଶିକ୍ଷା କ୍ଷେତ୍ରରେ କାର୍ଯ୍ୟ କରୁଥିବା ଦରକାର, ତାହା ବିଦ୍ୟାଳୟ ହେଉ କିମ୍ବା ଶିକ୍ଷା ବ୍ୟବସ୍ଥା ସହ ଜଡିତ ଅନ୍ୟ କିଛି ସେବା ହେଉ । ମିମାନ୍ସା, ମୁସ୍କାନ ଫାଉଣ୍ଡେସନ, ନିଉ ରିଜୋଲୁସନ ଇଣ୍ଡିଆ, ଆପନେ ଆପ ୱିମେନ୍ସ କଲେକ୍ଟିଭ, ଅଭନ୍ତି ଫେଲୋଜ୍, ମାସୁମ ଏବଂ ଫାଉଣ୍ଡେସନ ପର ମଦର ଏଣ୍ଡ ଚାଇଲ୍ଡ ହେଲ୍ଥ ପ୍ରମୁଖ ଆତ୍ମାର ବର୍ତମାନର ଭାଗିଦାର ମଧ୍ୟରେ ଅଛନ୍ତି ।
ପ୍ରଥମେ ଏକ ଭାଗିଦାର ଅନୁଷ୍ଠାନ ଚୟନ କଲାପରେ, ଆତ୍ମା ସେହି ଅନୁଷ୍ଠାନରେ ଉନ୍ନତିକରଣର ଆବଶ୍ୟକତା ଥିବା ଦିଗଗୁଡିକୁ ଚିହ୍ନଟ କରେ । ଏହା ପରେ ନିଜର ସ୍ୱେଚ୍ଛାସେବୀମାନଙ୍କ ସହ ଅନୁଷ୍ଠାନର କର୍ମଚାରୀମାନଙ୍କୁ ମିଶାଇ ସେମାନଙ୍କ ଆବଶ୍ୟକତାନୁସାରେ କାର୍ଯ୍ୟପନ୍ଥା ଓ ବିଭିନ୍ନ ସମସ୍ୟା ସମାଧାନର ପନ୍ଥା ବାହାର କରେ ।
ଆମେ ସେମାନଙ୍କର ଆବଶ୍ୟକତାକୁ ଗୁରୁତ୍ୱ ଦେଇ, ସେମାନେ ପ୍ରକୃତରେ କଣ ଚାହୁଁଛନ୍ତି ଭଲଭାବେ ଅନୁଧ୍ୟାନ କରି, ସେମାନଙ୍କର ଉଦ୍ଦେଶ୍ୟକୁ ସଫଳ କରିଥାଉ ବୋଲି ମାଟସୁଇ ତାଙ୍କର କାର୍ଯ୍ୟ ଶୈଳୀ ବିଷୟରେ ବୁଝାନ୍ତି ।
ଅନୁଷ୍ଠାନର ବିଭିନ୍ନ କ୍ଷେତ୍ରରେ ଥିବା ସମସ୍ୟାକୁ ଅତି ନିଷ୍ଠାର ସହ ଚିହ୍ନଟ କରି, ଏହାର ପରିଚାଳନା ଶୈଳୀ ଓ ଆନୁଷ୍ଠାନିକ ପରିବର୍ତନର ଆବଶ୍ୟକତାକୁ ଆଖିରେ ରଖି ଆତ୍ମା ତାର କନସଲଟିଂ ପଦ୍ଧତି ସହକାରେ ଏହାର ସମାଧାନ କରିଥାଏ । ଆତ୍ମା ତାର ପ୍ରତ୍ୟକ ଭାଗିଦାରକୁ ବର୍ଷକୁ ୧୨୦୦ ଘଣ୍ଟା ସମୟ ଦିଏ ବୋଲି ମାଟସୁଇ କୁହନ୍ତି । ୨୦୧୧-୨୦୧୨ରେ ଏହା ତାର ଭାଗିଦାରମାନଙ୍କୁ ୭୯୨୯ ଘଣ୍ଟା ସେବା ସମୟ ଯୋଗାଇଥିଲା ।
ସେମାନଙ୍କ ସ୍ୱେଚ୍ଛାସେବୀ କର୍ଯ୍ୟକ୍ରମ ସେମାନଙ୍କ କାର୍ଯ୍ୟର କେନ୍ଦ୍ରସ୍ଥଳ ଅଟେ । ସେମାନଙ୍କ ସ୍ୱେଚ୍ଛାସେବୀମାନେ ବେତନ ବିହୀନ, ପୂର୍ଣ୍ଣ ସମୟ ପ୍ରଫେସନାଲ ଅଟନ୍ତି । ସେମାନେ ସାଧାରଣତ ଭାରତରେ ରୁହନ୍ତି । ଆତ୍ମା ୨୯ଟି ଦେଶରୁ ୧୨୦ ଜଣ ସ୍ୱେଛାସେବୀଙ୍କୁ ଆମନ୍ତ୍ରିତ କରିଥିବା ବେଳେ ଏହାର ୧୦ ଜଣ କର୍ମଚାରୀ ଅଛନ୍ତି । ଏହାର ଭାଗିଦାରମାନଙ୍କ ମଧ୍ୟରେ ସଂପର୍କ ସୃଷ୍ଟି କରି ଆଲୋଚନା ମାଧ୍ୟମରେ ଶିକ୍ଷା କ୍ଷେତ୍ରରେ ଥିବା ବିଭିନ୍ନ ସମସ୍ୟାର ସମାଧାନ କରିବାକୁ ଆତ୍ମା ସର୍ବଦା ଚେଷ୍ଟା କରିଥାଏ । ନିକଟରେ ସେମାନେ ମୋବାଇଲ ଟେକ୍ନୋଲୋଜି ସମ୍ବନ୍ଧୀୟ ଏକ ଆଲୋଚନା ଚକ୍ର ଓ କର୍ମଶାଳା କରିଥିଲୋ ଶିକ୍ଷାରେ ମୋବାଇଲ ଟେକ୍ନୋଲୋଜିର ଭୂମିକା ଶୀର୍ଷକରେଏହି ଆଲୋଚନାଟି ଆୟୋଜନ କରାଯାଇଥିଲା ।
ଦକ୍ଷତା ବୃଦ୍ଧି ସହାୟତା ବିଶ୍ୱରେ NGO ଏବଂ ସାମାଜିକ ପ୍ରତିଷ୍ଠାନ ପାଇଁ ଏକ ଜନାଦୃତ ସେବା ରୂପେ ବୃଦ୍ଧି ପାଇବାରେ ଲାଗିଛି । କିନ୍ତୁ ଆତ୍ମା ଶିକ୍ଷା କ୍ଷେତ୍ର ପ୍ରତି ଥିବା ତାହାର ପ୍ରତିବଦ୍ଧତା ଉପରେ କାର୍ଯ୍ୟରତ ।
ଅନ୍ୟାନ୍ୟ ସାମାଜିକ କ୍ଷେତ୍ରରେ କାର୍ଯ୍ୟ କରିବା ପାଇଁ ଆତ୍ମାର ଦକ୍ଷତା ଥିଲେ ମଧ୍ୟ ଏହା କେବଳ ଶିକ୍ଷା କ୍ଷେତ୍ର ପ୍ରତି ବଦ୍ଧପରିକର ଓ ଭାରତରେ ଉନ୍ନତ ଶିକ୍ଷା ପାଇଁ ଆମେ ଅଧିକରୁ ଅଧିକ ଭାଗିଦାରମାନଙ୍କ ସହ ମିଶି ଏହାକୁ ସୁଦୃଢ କରିବାକୁ ଲକ୍ଷ୍ୟ ରଖିଛୁ ବୋଲି ମାଟସୁଇ କୁହନ୍ତି ।
Learn more about Atma and how to become a partner or volunteer here, or visit their page on YourStory.in pages.